有人問，做砌圖，點解要“砌”菠蘿油？
系，或者大家都習慣左砌七彩斑斕既米奇老鼠同白雪公主，五顏六色，好熱鬧，好開心，好心礦神怡。作為砌圖，色彩鮮豔基本上系MUST，砌圖唔玩顏色玩咩？
菠蘿油，成個造型，黃咁咁，砌到黃咁咁，想點？
如果你兒童身份證都未攞，咁樣唸，好正常。
但系如果你對生活除左食訓X 都仲會有慾望欣嘗下個碧藍既天空，聽聽水滴雨聲，能能雀，你就應該要嘗試下砌菠蘿油既樂趣。
菠蘿油，香港茶餐廳必備點餐。麵包鋪買唔到菠蘿油，只能買到個六七蚊既菠蘿飽，而菠蘿油，茶餐廳加左塊永不超生既牛油比你之後即刻可以賣到十幾蚊個。
正如灰姑娘換左套衫就變公主一樣，一塊牛油就升呢，完全體現香港人識得增值既一面。。Er。。。。
其實更體現香港精神既系大家明知只系多左快牛油就貴一倍，都系會去點來食，都係要配杯奶茶咖啡果種“快樂地享受你搵我笨”既沉淪又渺小既歡愉。
無他，習慣左，習慣左，習慣左咬落去感覺由硬變軟，接觸到牛油後再帶反D甜甜既油膩感, 奶油香衝擊舌尖果種after taste, 無論你個口有幾大都避免唔到脆皮碎跌落檯面果種小尷尬，再唸唸茶記既舖租人工其實都唔容易。。。。
然後再索反啖奶茶咖啡，口腔既 balance迅間反來之後又可以準備來一次新既味蕾起伏，繼而“一食入魂”。
好多時，大家食菠蘿油既時候都忽略左菠蘿油本身既藝術感。
要為菠蘿油做型像上既技術分析其實並唔難，雖然並非五顏六色比唔上童話式backdrop，但菠蘿油表面粗礦既脆皮質感，坑紋在麵包表面交錯而具物理暗示既線條，大黃色牛油與整體構圖平衡格格不入卻實際存在的顏色衝擊。。。。。
Anyway, 經過砌圖每小塊每小塊去拼湊既過程，可以更細心細微去觀察大家平時食多過望充滿美感既菠蘿油。
菠蘿油除左可以系味覺欣嘗，還可以在視覺上去享受樂趣。
#點解越寫越似潮文 #我寫得好認真 #菠蘿油 #Puzzmate #chicpuzzling #潮砌 #潮拼 #放下手機坐地砌圖